Header Ads

TTCL YAADHIMISHA SIKU YA WATEJA WAKE MKOANI MWANZA

IMG_0035  
Afisa mkuu wa masoko na mauzo wa TTCL Bw. Peter Ngota akiongea na wateja wa TTCL katika hafla hiyo
IMG_0040 
Mkuu wa mkoa wa Mwanza Mhe. Mhandisi Evarist Ndikilo akiongea na wateja wa TTCL
IMG_0052 
Wafanyakazi wa TTCL katika picha ya pamoja na Mgeni rasmi ambaye ni mkuu wa Mkoa wa Mwanza Mhe. Mhandisi Evarist Ndikilo IMG_0056  
Baadhi ya wateja waliohudhuria hafla hiyo katika picha ya pamoja na mgeni rasmi pamoja na ujumbe alioongozana nao. IMG_0082 
Mgeni rasmi akiongea na mameneja wa TTCL kutoka mikoa mbalimbali kwa kutumia “Bongo phone” katika huduma ijulikanayo kama “Conference call” ambayo iliwavutia wateja wengi waliohudhuria hafla hiyo. anayefuata baada ya mkuu wa mkoa (kulia) ni Mkurugenzi wa jiji la Mwanza Mhe. Halifa Hassan Hida.
…………….

Kampuni ya simu Tanzania (TTCL) imepongezwa kwa  kwa kutoa huduma na bidhaa za uhakika hususani huduma ya intanet.

Hayo yamesemwa na Mkuu wa Mkoa wa Mwanza Mhe.Mhandisi Evarist Ndikilo wakati wa hafla ya chakula cha jioni kilichoandaliwa na TTCL kwa ajili ya wateja wake wa mkoa wa Mwanza.

Amesema TTCL ndio mhimili mkuu wa mawasiliano hapa nchini na ni ukweli ulio wazi kuwa Watanzania wengi wanaiona TTCL kuwa tegemeo lao la kwanza katika Mawasiliano hapa nchini
Aidha amesema “pamoja na huduma bora za mawasiliano mnazotoa, bado mna changamoto ya kuboresha zaidi mtandao wenu kwani kuna baadhi ya maeneo ambayo hayana mtandao wa TTCL hivyo kuwanyima fursa wananchi wazalendo kutumia huduma hii ambayo pia ni ya kizalendo ili kuimarisha uchumi wa nchi yetu. Tunatambua juhudi mnazofanya katika kuwafikia wateja zaidi maeneo ua vijijini, tafadhalini ongezeni kasi katika jambo hili.”

Akijibu baadhi ya maoni kutoka wateja, Afisa mkuu wa masoko na mauzo wa Kampuni ya Simu Tanzania TTCL Bw. Peter Ngota amesema pamoja na mafanikio mengi tuliyoyapata TTCL, bado tunakabiliwa na changamoto nyingi ikiwa ni pamoja na Wizi au hujuma katika njia zetu za mawasiliano yaani nyaya na mikonga ya simu katika maeneo mbali mbali mkoani hapa na kusababisha wateja wetu kukosa mawasiliano na kupata usumbufu usio wa lazima. Mbaya zaidi kuna baadhi ya maeneo hapa Mwanza wamefikia hatua kutumia nyaya za TTCL kujiunganishia umeme kwa njia zisizo halali, jambo ambalo ni hatari kwa uhai wao na watu wanaowazunguka pia wanaisababishia kampuni na  taifa hasara kubwa kupitia hujuma hii.

Kukatika mara kwa mara kwa Mkongo wa taifa kunakosababishwa na shuguli za kibinadamu ikiwa ni pamoja na ujenzi wa barabara n.k. ; tunawaomba wananchi wa Mwanza kuachana na vitendo vya hujuma na kuwa waangalifu wakati wa shughuli zao za kijamii na maendeleo ili kuepuka uharibifu kwenye njia za mawasiliano.

Mkuu wa Mkoa wa Mwanza Mhandisi Evarist Ndikilo amesema, akiwa kama Mwenyekiti wa kamati ya ulinzi na usalama ya mkoa wa mwanza, atahakikisha miundombinu ya TTCL inalindwa kwa kuwaagiza vyombo vya usalama kuhakikisha mtandao huu hauhujumiwi ili kuleta maendeleo kwa wateja na wa TTCL na wananchi kwa ujumla.

No comments

Powered by Blogger.